Description

Lou Museon Arlaten, museon prouvençau, fuguè crea en Arle en 1899 pèr lou prèmi Nobel de literaturo Frederi Mistral (1830-1914). Coumtant dintre li proumié museon d'etnougraflo regiounalo de Franco, a prouficha d'uno renouvacioun coumplèto, architeituralo e museougrafico. Lou libre que veici evoco la creacioun dóu museon, l'architeituro dóu mounumen e soun istòri milenàri. Retrais pièi lou cours de la vesito de l'espousicioun permanènto, à la maniero d'uno envitacioun au viage.

Aboundousamen ilustra, fai lume sus lis obro e lis óujèt, sus soun countèste istouri, ecounoumi, culturau e souciau, remetènt lou museon au cor d'uno aventuro umano centenàri, dóu siècle 19^en i jour de vuei.